საქართველოს ბიზნესის აკადემია SBA-ის თანაორგანიზებით 2020 წლის 25 ნოემბერს, უკრაინის პარტნიორ ცენტრალური უკრაინის ეროვნულ ტექნიკურ უნივერსიტეტთან ერთად VIII საერთაშორისო სამეცნიერო და პრაქტიკული კონფერენცია გაიმართა,
თემაზე: „ბუღალტრული აღრიცხვის, აუდიტისა და გადასახადის განვითარება სოციალურ-ეკონომიკური სისტემების ინოვაციური ტრანსფორმაციის პირობებში“.
ჟიურის საპატიო წევრის სტატუსით ესწრებოდა საქართველოს ბიზნესის აკადემია SBA-ის დირექტორი ია ერაძე.
კონფერენციაში მონაწილეობა მიიღეს აკადემიის პროფესიულმა მასწავლებლებმა, რომლებმაც საინტერესო და აქტუალური თემები წარმოადგინეს
თემა:”ბუღალტრული აღრიცხვის, აუდიტის და გადასახადის განვითარება სოციალურ-ეკონომიკური სისტემების ინოვაციური ტრანსფორმაციის პირობებში”
წარმოადგინა ანა ოგანესიანმა.
თემა:“პროფესიული განათლების როლი ბუღალტრული აღრიცხვის განვითარებისთვის”
წარმოადგინა მარინე გვრიტიშვილმა,
კონფერენციაში მონაწილეობისთვის აკადემიის წარმომადგენლებმა სერთიფიკატები მიიღეს.
აკადემია მადლობას უხდის პარტნიორ დაწესებულებას და პროფესიულ მასწავლებლებს აკადემიის განვითარების ხელშეწყობისა და საერთაშორისო თანამშრომლობის განვითარებაში შეტანილი წვლილისთვის.
