მანანა ერაძის საქმიანობა ხასიათდება სამართლებრივი სიზუსტით, ადმინისტრაციული პროცესების ეფექტიანი მართვითა და სტრატეგიული ხედვით, რაც ხელს უწყობს როგორც აკადემიის შიდა სისტემების გამართულ ფუნქციონირებას, ისე მისი განვითარების სტრატეგიული მიზნების შესრულებას.

ის წარმოადგენს ახალი თაობის პროფესიონალს, რომლის მთავარი მისიაა საკუთარი ცოდნისა და გამოცდილების გამოყენებით განათლების სფეროს გაძლიერება, გუნდის განვითარება და ისეთი საგანმანათლებლო გარემოს შექმნა, რომელიც თითოეულ სტუდენტს მისცემს შესაძლებლობას მოიპოვოს უნარები წარმატებისთვის.

მანანა ერაძეს ივანე ჯავახიშვილის სახელობის თბილისის სახელმწიფო უნივერსიტეტში მიღებული აქვს აკადემიური ხარისხი საერთაშორისო სამართალში, რის საფუძველზეც მან ძლიერი თეორიული ცოდნა და პრაქტიკული უნარები შეიძინა.

სწავლობდა ბრემენის უნივერსიტეტში. სხვადასხვა პერიოდში სასწავლო მისიით იმყოფებოდა ევროკავშირის ინსტიტუტებში, ბრიუსელსა და ევროპის სხვა ქალაქებში. ფლობს ინგლისურ და გერმანულ ენებს.

მანანა ერაძემ პროფესიული კარიერა დაიწყო განათლების ხარისხის განვითარების ეროვნულ ცენტრში, სადაც წარმატებით გაიარა სტაჟირება იურიდიულ სამსახურში. შემდგომში იგი მუშაობდა უმაღლესი განათლების ხარისხის უზრუნველყოფის სამსახურის სპეციალისტის პოზიციაზე.

აღსანიშნავია, რომ მას მიღებული აქვს პროფესიული განათლებაც, რაც ხელს უწყობს უკეთ გაიაზროს აკადემიის საქმიანობის სპეციფიკა ამჟამინდელ საქმიანობაში.

მანანა ერაძე საქართველოს ბიზნესის აკადემიაში უკვე ერთ წელზე მეტია საქმიანობს. იგი ახლახანს ადმინისტრაციული სამსახურის უფროსის თანამდებობაზე დაინიშნა.