ნანა ჩადუნელს გააჩნია საგანმანათლებლო სფეროში მრავალწლიანი გამოცდილება. ამჟამად იგი საქართველოს ბიზნესის აკადემია-SBA-ს სასწავლო პროცესის მართვის სამსახურის სპეციალისტის პოზიციას იკავებს. მისი პროფესიული კარიერა მოიცავს ბავშვთა აღზრდისა და პედაგოგიკის სფეროში მრავალწლიან პრაქტიკულ მუშაობას, აგრეთვე საგანმანათლებლო კონსულტირებას, რომელიც მიზნად ისახავდა განათლების ხარისხის გაუმჯობესებას.

იგი აქტიურად არის ჩართული პროფესიული განათლების პოპულარიზაციაში, განსაკუთრებით პედაგოგებისა და მშობლების ცნობიერების ამაღლებაში ისეთ მნიშვნელოვან საკითხებზე, როგორიცაა ინკლუზიური განათლება, ბავშვთა ფსიქოლოგია, პროფესიული განათლების მნიშვნელობა და თანამედროვე სწავლების მეთოდოლოგიები.

ნანა ჩადუნელი უზრუნველყოფს პროფესიონალებს აუცილებელი ინსტრუმენტებითა და რესურსებით, რაც მათ შესაძლებლობას აძლევს, შექმნან ეფექტური და წარმატებული პრაქტიკული გამოცდილება პროფესიულ საქმიანობაში. მას სხვადასხვა წლებში მონაწილეობა აქვს მიღებული არაერთ კონფერენციაში და ადგილობრივ პროექტში, რომლებიც მიზნად ისახავდა პროფესიული განათლების განვითარებასა და გაუმჯობესებას. აღნიშნულ ღონისძიებებზე იგი უზიარებდა მონაწილეებს საკუთარ გამოცდილებას, კვლევებსა და თანამედროვე მიდგომებს, რითაც ხელს უწყობდა პროფესიული განათლების ხარისხის გაუმჯობესებას, როგორც ეროვნულ, ასევე საერთაშორისო დონეზე.

ნანა სწავლობდა ივანე ჯავახიშვილის სახელობის თბილისის სახელმწიფო უნივერსიტეტში განათლების მიმართულებით, ხოლო შემდგომ წლებში სწავლა განაგრძო საქართველოს ბიზნესის აკადემია-SBA-ში.
ამჟამად, იგი საქართველოს ბიზნესის აკადემიის გუნდთან ერთად აქტიურად მუშაობს, რათა უზრუნველყოს მაღალი ხარისხის საგანმანათლებლო გარემო შდა ხელი შეუწყოს პროფესიული განათლებით დაინტერესებულ პირებს კარიერული წარმატების მიღწევაში.