ადმინისტრაციული სამსახურის მენეჯერი

ანანო კვარაცხელია

ანანო კვარაცხელია არის საჯარო მმართველობის მაგისტრი და საერთაშორისო ურთიერთობების ბაკალავრი, რომელსაც აქვს პროფესიული გამოცდილება განათლების, საჯარო მმართველობისა და ადმინისტრაციული საქმიანობის მიმართულებით.

ამჟამად ანანო იკავებს საქართველოს ბიზნესის აკადემია – SBA-ს ადმინისტრაციული მენეჯერის პოზიციას. მისი პროფესიული საქმიანობა უკავშირდება ადმინისტრაციული პროცესების ორგანიზებას, კოორდინაციასა და დაწესებულების ეფექტიანი ფუნქციონირების ხელშეწყობას.

თავისი კარიერის განმავლობაში ანანომ პროფესიული გამოცდილება მიიღო სსიპ – განათლების ხარისხის განვითარების ეროვნულ ცენტრში, საქმისწარმოების სამმართველოს სპეციალისტის პოზიციაზე, ასევე საქართველოს განათლების, მეცნიერებისა და ახალგაზრდობის სამინისტროს ადმინისტრაციის დეპარტამენტში.

2024 წელს ანანო იყო აღმოსავლეთ ევროპის უნივერსიტეტში ორგანიზაცია „ასმას“ თავმჯდომარე, სადაც განივითარა ორგანიზაციული, ლიდერული და გუნდური მუშაობის კომპეტენციები.

ანანომ ილიას სახელმწიფო უნივერსიტეტში მოიპოვა საერთაშორისო ურთიერთობების ბაკალავრის ხარისხი, ხოლო აღმოსავლეთ ევროპის უნივერსიტეტში — საჯარო მმართველობის მაგისტრის ხარისხი.

2019 წელს მონაწილეობდა იტალიაში, Scuola di Lingua e Cultura Italiana-ს გაცვლით პროგრამაში, რამაც ხელი შეუწყო მისი საერთაშორისო გამოცდილებისა და ინტერკულტურული კომუნიკაციის უნარების განვითარებას.

პროფესიული განვითარების მიზნით, 2024 წელს გრიგოლ რობაქიძის უნივერსიტეტში გაიარა პერსონალურ მონაცემთა დაცვის სასერტიფიკატო ტრენინგი.

ანანო ფლობს ინგლისურ და იტალიურ ენებს. მისი პროფესიული საქმიანობის მნიშვნელოვანი მახასიათებლებია პასუხისმგებლობა, ორგანიზებულობა, ეფექტიანი კომუნიკაცია და გუნდური თანამშრომლობა.