საექთნო პროფესიის კვირეული საქართველოს ბიზნესის აკადემიაში (SBA)
კვირეულის ფარგლებში გაიმართა შეხვედრა მოწვეულ ექსპერტებთან, სადაც სტუდენტებმა მოისმინეს გამოცდილება კარიერული განვითარების შესახებ და მიიღეს პასუხები მათთვის საინტერესო კითხვებზე.
- საექთნო განათლების ხარისხის განვითარებას
- თანამედროვე სტანდარტების დანერგვას
- პრაქტიკული სწავლების გაძლიერებას
- პროფესიული განვითარების ხელშეწყობას
აღნიშნული პარტნიორობა აკადემიას შესაძლებლობას მისცემს გააძლიეროს პროგრამები, განავითაროს ერთობლივი ინიციატივები და სტუდენტებს შესთავაზოს მეტი პროფესიული განვითარებისა და დასაქმების შესაძლებლობა.
14 მაისს მეორე და მესამე კურსის სტუდენტებმა მონაწილეობა მიიღეს საექთნო უნარების კონკურსში, სადაც შეფასდა მათი პრაქტიკული უნარები, კლინიკური აზროვნება და პროფესიული სიზუსტე.
კვირეულის დასასრულს მესამეკურსელმა სტუდენტებმა პირველკურსელებისთვის სტუდენტ-მენტორების მასტერკლასი გამართეს. უფროსმა სტუდენტებმა პრაქტიკაში აჩვენეს საბაზისო მანიპულაციები, გაუზიარეს გამოცდილება და პროფესიული უნარები.
SBA კიდევ ერთხელ ადასტურებს, რომ საექთნო საქმე არ არის მხოლოდ პროფესია — ეს არის გუნდურობა, მხარდაჭერა და პასუხისმგებლობა პაციენტების კეთილდღეობაზე.