2018 წლის 21 დეკემბერს, სოციალური მომსახურების სააგენტომ „დასაქმების ხელშეწყობის მომსახურებათა განვითარების სახელმწიფო პროგრამის“ შემაჯამებელი კონფერენცია გამართა.
შემაჯამებელი კონფერენციის მიზანს, შრომის ბაზრის ფორმირების სახელმწიფო სტრატეგიის ფარგლებში განხორციელებული ღონისძიებების, გამოწვევებისა და სამომავლო გეგმების საზოგადოებისათვის გაცნობა წარმოადგენდა.
კონფერენციას საქართველოს ბიზნესის აკადემია-SBA-ის დირექტორი ქალბატონი ია ერაძე ესწრებოდა.
საქართველოს ბიზნესის აკადემია-SBA, უკვე მეოთხე წელია წარმატებითაა ჩართული პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამაში და არაერთი მსმენელი ჰყავს გადამზადებული, რომელთა უმეტესი ნაწილი დასაქმებულია. გასულ წელს, სოციალური მომსახურების სააგენტოს და დასაქმების პროგრამების დეპარტამენტის მიერ, აკადემია საუკეთესო პარტნიორი ორგანიზაციის ტიტულით დაჯილდოვდა.
