როგორც თქვენთვის ცნობილია, საქართველოს ბიზნესის აკადემია – SBA, GDBA – საქართველოს დისტრიბუტორთა ბიზნეს ასოციაციასთან ერთად ახორციელებს, პროფესიული მომზადების პროგრამას –
,,დისტრიბუცია სავაჭრო ობიექტებში”.
გაცნობებთ, რომ აღნიშნულ პროგრამაზე სწავლის მსურველ მსმენელებთან გასაუბრება გაიმართა, რომლის შედეგად შეირჩა 2 ჯგუფი.
მსმენელებს სასწავლო პროცესის სრულყოფილად განხორციელების მიზნით ჩაუტარდათ ტრენინგი, რომელიც ჩაატარა ინფორმაციული ტექნოლოგიების სპეციალისტმა ლაშა იაშვილმა MS Teams-ის პლათფორმის გამოყენებით.
აღნიშნულ პროგრამაზე სასწავლო პროცესი დაიწყება 2020 წლის 14 დეკემბრიდან.
შეგახსენებთ პროგრამის უპირატესობებს:
პრაქტიკა საქართველოს დისტრიბუტორთა ბიზნეს ასოციაციის ქსელში არსებულ წარმატებულ ბიზნეს კომპანიებში;წარჩინებით სწავლის შემთხვევაში ანაზღაურებადი სტაჟირება;სწავლის საფასური სრულად ფინანსდება სახელმწიფოს მიერ;პროგრამის დასრულების შემდეგ გაიცემა სახელმწიფოს მიერ აღიარებული სერტიფიკატი.
წარმატებული კურსდამთავსებულების დასაქმებაზე იზრუნებს საქართველოს დისტრიბუტორთა ბიზნეს ასოციაცია.