საქართველოს ბიზნესის აკადემია SBA აგრძელებს პროფესიული მასწავლებლების მხარდაჭერას, ამასთან დაკავშირებით მიმდინარე წლის 20 მარტს აკადემიაში დაგეგმილი ონლაინ ტრენინგი გაიმართა.
ტრენინგის თემას წარმოადგენდა „შეფასების სისტემა და მისი ხარისხის უზრუნველყოფა პროფესიულ განათლებაში“.
ტრენინგს წარუძღვა სსიპ განათლების ხარისხის განვითარების ეროვნული ცენტრის დირექტორის მოადგილე კახაბერ ერაძე, რომელმაც ისაუბრა შემდეგ მნიშვნელოვან საკითხებზე:
შეფასების პრინციპები პროფესიულ განათლებაში,შეფასების სისტემის ელემენტები, მისი თავისებურებები დუალური მიდგომით განხორციელებულ პროგრამებში და ინტეგრირებული მოდულების სწავლებისას,ასევე შეფასების ხარისხის უზრუნველყოფის მექანიზმები და მათი გამოყენება შეფასების სისტემის განვითარებისათვის. სტუდენტთა შეფასების საკითხებში არსებული აკადემიის შიდა რეგულაციები და არსებული პრაქტიკა,პერსონალის ჩართულობით, განხილული იქნება საკანონმდებლო მოთხოვნებთან შესაბამისობის კუთხით.