ნატა ჩხაიძე
ფარმაციის პროგრამის ხელმძღვანელი | პროფესიული განათლების მასწავლებელი
ნატა ჩხაიძე არის მრავალწლიანი გამოცდილების მქონე ფარმაცევტი და განათლების სფეროს ექსპერტი. 1993 წლიდან აქტიურად საქმიანობს როგორც ფარმაცევტულ სექტორში, ისე პროფესიულ განათლებაში.
უმაღლესი განათლება მიღებული აქვს ხარკოვის სამედიცინო აკადემიაში, ხოლო ასპირანტურა – თბილისის სახელმწიფო სამედიცინო უნივერსიტეტში, სპეციალობით „წამალთა ტექნოლოგია და ფარმაცევტული საქმის ორგანიზაცია“.
2003 წლიდან მუშაობს შპს „პსპ ფარმაში“ და ამჟამად ხელმძღვანელობს სპეციალურ კონტროლს დაქვემდებარებული მედიკამენტების ბრუნვის კონტროლის სამსახურს.
არის ფარმაციის პროფესიული პროგრამის ჩარჩო დოკუმენტის თანაავტორი, ავტორიზაციის/აკრედიტაციის ექსპერტი და ჯანდაცვის დარგობრივი საბჭოს წევრი.
დაჯილდოებულია ისრაელის საელჩოს სპეციალური პრიზით პროფესიული განათლების განვითარებაში შეტანილი წვლილისთვის.
მისი ხედვა SBA-ში ეფუძნება ხარისხიანი განათლების გარდაქმნას რეალურ პროფესიულ შესაძლებლობად და სტუდენტების უწყვეტ პროფესიულ განვითარებას.