საქართველოს ბიზნესის აკადემია-SBA აგრძელებს წარმატებულ პარტნიორებთან თანამშრომლობას
ამჯერად აკადემიასა და შპს მართვისა და კომუნიკაციის საერთაშორისო სასწავლო უნივერსიტეტ „ალტერბრიჯს“ შორის ურთიერთთანამშრომლობის მემორანდუმი გაფორმდა.ალტერბრიჯი არის ახალი ალტერნატიული სივრცე ქართულ საგანმათლებლო ბაზარზე.
მემორანდუმის მიზანია:
პროფესიული განათლების განვითარებაში წვლილის შეტანა.ერთობლივი მიზნობრივი პროგრამების, პროექტების განხორციელება, რომლებიც მიმართულია საგანმანათლებლო-სამეცნიერო პოტენციალის ამაღლების, ჯანსაღი თაობის ფორმირებისა და პიროვნული განვითარების სრულყოფისაკენ.პარტნიორობის ფარგლებში მხარეები შეიმუშავებენ და წარადგენენ ერთობლივ პროექტებს, მოაწყობენ ღონისძიებებს პროფესიული განათლების პოპულარიზაციის ხელშეწყობის მიზნით, რომელშიც აქტიურად იქნებიან ჩართულები აკადემიის სტუდენტები, ითანამშრომლებენ საერთო ინტერესების შემავალი საკითხების კვლევაში და საგანმანათლებლო პროგრამების შემუშავებაში.