ხშირად დასმული კითხვები
პასუხები აპლიკანტების მიერ ხშირად დასმულ კითხვებზე
ვის შეუძლია ისწავლოს პროფესიულ საგანმანათლებლო პროგრამებზე?
პროფესიულ საგანმანათლებლო პროგრამებზე სწავლის უფლება აქვს ყველა დაინტერესებულ პირს, ზოგადი განათლების საბაზო (9 კლასი) საფეხურის დაძლევისა და კონკრეტული პროგრამისთვის დაწესებული მიღების წინაპირობების დაკმაყოფილების საფუძველზე.
არსებობს თუ არა ასაკობრივი ზედა ზღვარი პროფესიულ პროგრამებზე რეგისტრაციისას?
პროფესიული განათლება ხელმისაწვდომია ნებისმიერი ასაკის მოქალაქისთვის.
რა პროგრამებზე შემიძლია სწავლა საბაზო ზოგადი განათლებით რეგისტრაციისას?
- ლოგისტიკა [ინტეგრირებული]
- კომპიუტერული ქსელი და სისტემები [ინტეგრირებული]
- ინფორმაციის ტექნოლოგია
- ფინანსები
რა პროგრამებზე შემიძლია სწავლა სრული ზოგადი განათლებით?
რას ნიშნავს ინტეგრირებული პროგრამა და ვისთვისაა განკუთვნილი?
ინტეგრირებული პროფესიული საგანმანათლებლო პროგრამა განკუთვნილია საბაზო ზოგადი განათლების მქონე პირებისთვის.
პროგრამის წარმატებით დასრულების შემდეგ სტუდენტი იღებს:
- პროფესიულ დიპლომს და
- სრული ზოგადი განათლების დამადასტურებელ დოკუმენტს (ატესტატს).
ინტეგრირებული პროგრამების დეტალური ჩამონათვალი და ინფორმაცია
რომელ პროგრამაზე რა ტიპის ტესტირება ტარდება?
იხილეთ ტესტირების ნიმუშები.
როდის არის შესაძლებელი რეგისტრაცია პროფესიულ საგანმანათლებლო პროგრამაზე ?
პროფესიულ საგანმანათლებლო პროგრამებზე რეგისტრაცია შესაძლებელია 2025 წლის 1-დან 25 სექტემბრამდე.
თუ რეგისტრაცია ჯერ არ დაწყებულა, შეგიძლიათ გაიაროთ წინასწარი რეგისტრაცია. ასეთ შემთხვევაში, როგორც კი ოფიციალური პროცესი დაიწყება, აკადემიის წარმომადგენელი დაგიკავშირდებათ და დაგეხმარებათ რეგისტრაციაში.
როგორ დავრეგისტრირდე?
ოფიციალური რეგისტრაციის პერიოდში (1–25 სექტემბერი): რეგისტრაცია შესაძლებელია ელექტრონულ პლატფორმაზე vet.emis.ge-ზე ან კოლეჯში, ადგილზე. იხილეთ ოფიციალური რეგისტრაციის ვიდეო ინსტრუქცია
თუ რეგისტრაცია ჯერ არ დაწყებულა: შეავსეთ წინასწარი რეგისტრაციის ფორმა
რამდენ პროგრამაზეა შესაძლებელი რეგისტრაცია?
აპლიკანტს შეუძლია ერთდროულად მაქსიმუმ სამი პროგრამის არჩევა.
უზრუნველყოფს თუ არა პროფესიულ საგანმანათლებლო პროგრამაზე ჩარიცხვა სამხედრო სამსახურის გადავადებას?
საქართველოს კანონმდებლობის მიხედვით, პროფესიულ საგანმანათლებლო პროგრამაზე ჩარიცხვა უზრუნველყოფს სამხედრო სავალდებულო სამსახურის გადავადებას სწავლის ვადის განმავლობაში.
გადავადება მოქმედებს მხოლოდ ერთხელ. თუ აპლიკანტმა უკვე ისარგებლა გადავადებით სხვა საგანმანათლებლო დაწესებულებიდან მიღებული ცნობის საფუძველზე, ხელმეორედ ამ უფლებას ვერ გამოიყენებს.